好日唔煮飯，一煮就出事。

話說本人咁岩有時間，就不如今晚簡簡單單煮返幾味。去家樂福買咗兩罐午餐肉，就叫我朋友準備下切下野，我就做最難嗰部份 ： 煮！

煮完喇，擺晒啲餸餸菜菜上檯，幾世無睇動畫，好，去片！

點知一咬落去塊午餐肉度，就賴野！依？唔通我又做錯野？唔係喎…罐頭都煮到咁難食，仲要煮到有煤氣味添；我邊有咁叻仔？

我問朋友：「喂，你聞下係咪有啲野？」

朋友聞下先跟住變臉：「我聞到有煤氣喎！」

嘩！啲野食又有野喇。唔知係巧合定係「極少數別有用心份子」既精心傑作？開埋另一罐 － 中國呀中國：

之前牛奶有三鹿，
家陣煤氣午餐肉，
祖國開餐勁中毒，
今次唔死算「負碌」。（「負碌」x 3）

又多多一款喇！咩牌子唔重要，反正都係你扮我我扮你……

咁下次食咩好呢？

祖國美食之煤氣午餐肉

13 Responses to “祖國美食之煤氣午餐肉”