(攝於 威尼斯 約下午四時日落)
相信人人各有所好，但世界之大，真係只有單單一樣野令你滿足？去見識一下，可能會有意外驚喜。若果後生時就已經將自己同世界封鎖，好滿足自己既見識眼界、所見所聞，到以後太多負擔時，要再去旅行或者都唔係咁易，旅遊時當地遇上的風土人情，可能會比你很多新看法。我講既野不僅僅限於旅行，包活人生一切的。
1. 去旅行不一定要很多錢。除非你餐餐大魚大肉，無五六星級酒店不歡，其實好多地方，尤其不是旅遊熱點或者郊遊旺季，可以比你想像中便宜好多。去下泰國陽光與海灘，或者馬來西亞潛水，點都比去阿拉斯加睇極光便宜。而且，年輕人有更大的容忍度，唔一定日日都要豪華享受。我話用好多錢，誰不知比我年長的人聽到之後，都滴汗表示：「咁叫好多錢？」，並進一步證實真係我當初想法無錯。
2. 過兩三個月後，一切都是值得的。當初我去歐洲，以我驚人赤貧的儲蓄，預算案令我一額汗。但係，同朋友去旅行呢種難忘經驗，越係年紀大，越係可遇不可求。當然，我月薪少，但回埠後，數週以來，節衣宿食，負債平分，一切又回復正常。
3. 做自己想做的事。不只是去旅行，趁著自己仲無咩負擔時，應該去做自己想做的事，免得三十歲就埋怨多多。寧願三十幾歲時同人好自豪好開心地講我自己做過乜，好過三十幾歲時同人講我好遺憾好多野都未做。
4. 應用就用。為慳錢而無啖好食，呢啲令你自己日常效率以及心境有負面影響既慳錢行為，實在係對自己長遠來講無好處。記住，開元節流，得個慳字係唔得既。對於有助開拓你未來的事，就要開多點長線投資，為自己作聰明人打算。若果你想去旅行，分分鐘你會得到錢都買唔到既野。
順帶一提，兩位旅伴都準備要結婚，似乎要再做電燈膽都好難喇，所以我真係好珍惜呢趟旅程。同埋呢，我今次去歐洲，傻下傻下同啲西班牙老人家同的士佬傾計，幾人比佢教來教去，正常學咗西班牙話，返到來我再自修個半月左右，經已可以用字典去睇維基百科喇！多謝西班牙老人家同的士佬，難為佢地講好多野我得個估字。
出去見識下，你就發現原來世界唔只係得你 facebook 上面既朋友仔，呢個世界仲有好多人同物。
喇喇喇，復活節 來緊喇，家陣計劃仲來得切架。
English